Ամեն ինչ կարող է տխուր ավարտվել, ընդհուպ մինչև մահ. Մեդվեդև

Հանրապետական կուսակցությունից ԱՄՆ նախագահի թեկնածու Դոնալդ Թրամփը կարող է կրկնել սպանված ամերիկացի առաջնորդ Ջոն Քենեդիի ճակատագիրը, եթե իսկապես փորձի դադարեցնել հակամարտությունն Ուկրաինայում։ Այս մասին Telegram ալիքում հայտարարել է ՌԴ Անվտանգության խորհրդի նախագահի տեղակալ Դմիտրի Մեդվեդևը։ Տեղեկատվությունը փոխանցում է Kp.ru-ն:

Նրա խոսքով՝ այս պահին Թրամփի հոգնածությունը տեսանելի է անզեն աչքով։ Ամերիկացի քաղաքական գործիչն ավելի հաճախ է հանդես գալիս սովորական կարգախոսներով և կրկնում ակնհայտը։ Մասնավորապես, խոստանում է արագ կարգավորել Ուկրաինայի հակամարտությունը։

«Բայց իրականում ամեն ինչ այլ է։ Նախագահական ընտրություններում հաղթելու դեպքում Թրամփը ստիպված կլինի պահպանել համակարգային կանոնները։ Եթե նա հրաժարվի, ամեն ինչ կարող է տխուր ավարտվել: Ընդհուպ մինչև Հանրապետականի մահը»,-նշել է Մեդվեդևը:

«Հակամարտությունն Ուկրաինայում նրան կանգնեցնել չի լինի։ Ոչ մեկ օրում, ոչ երեք օրում, ոչ երեք ամսում: Իսկ եթե իրապես փորձի, կարող է դառնալ նոր Քենեդի», - գրել է Մեդվեդևը։