Ըստ երևույթին՝ ոչ պետքական մարդիկ են. Զախարովա
Չեխիայի նախագահ Պետր Պավելը երկրի 60 քաղաքացիների թույլատրել է միանալ Ուկրաինայի Զինված ուժերին: Այս մասին հայտնում է Չեխիայի ռադիոն՝ երկրի ղեկավարի մամուլի քարտուղար Ֆիլիպ Պլատոսին հղումով։
Ընդհանուր առմամբ, ավելի քան 180 չեխ է դիմել երկրի նախագահին՝ Ուկրաինայի զինված ուժերին միանալու խնդրանքով, փոխանցում է ТАСС-ը։ Հայտնի չէ, թե քանի խնդրանք է մերժվել։
ՌԴ ԱԳՆ պաշտոնական ներկայացուցիչ Մարիա Զախարովան կարծիք է հայտնել, որ Չեխիայի Հանրապետության նախագահը «իր քաղաքացիների կարիքը չունի»։
«Այս 60 հոգին, ըստ երևույթին, Չեխիայի տեսանկյունից, ոչ պետքական մարդիկ են»,- ճեպազրույցում ասել է դիվանագետը։
