Մարդիկ այստեղ քաղաքական խաղերում բազմիցս դարձել են մանրադրամ․ Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ բելառուսները «ապրում են դրախտում՝ համեմատած այն բանի հետ, թե ինչպես է ապրում աշխարհը»:

«Ինչպես են գողանում, ինչպես են թալանում երկրները, ինչպես են ոչնչացնում մարդկանց, որովհետև նրանք ունեն մաշկի այլ գույն», - ասել է Լուկաշենկոն։

Հանրապետության Նախագահը Բելառուսն անվանել է «հացի երկիր և խաղաղության տարածք»։

Բելառուսի նախագահը համաքաղաքացիներին կոչ է արել պահպանել «իրենց հողը» եւ շնորհակալություն է հայտնել հայրենակիցներին խաղաղություն եւ հանգստություն պահպանելու եւ երկիրը հացով ապահովելու համար:

Բելառուսի նախագահ Ալեքսանդր Լուկաշենկոն հայտարարել է նաև, որ թույլ չի տա հանրապետության արևմտյան հատվածին մանրադրամ լինել քաղաքականության մեջ:

Մասնակցելով Գրոդնոյի շրջանում բերքահավաքի ավարտին նվիրված միջոցառմանը, Լուկաշենկոն հայտարարել է, որ տարածաշրջանը բելառուսական ագրոարդյունաբերական համալիրի առաջնորդներից մեկն է:

«Իսկ չէ որ այդ ամենը կարող էր և չլինել։ Մենք դա լավ ենք հիշում և գիտենք։ Մարդիկ այստեղ քաղաքական խաղերում բազմիցս դարձել են մանրադրամ։ Ես պետք է ասեմ, որ այլևս երբեք Գրոդնոյի մարզը և մեր բելառուսները, լեհերը, հրեաները, թաթարները, ուկրաինացիները, ռուսները (որոնք ապրում են այս տարածաշրջանում) այլևս երբեք մանրադրամ չեն լինի քաղաքական գործիչների մոտ», - հայտարարել Է Լուկաշենկոն։