Կարծես` միշտ այդպես է եղել. ավագանու անդամը` տրանսպորտի վճարման նոր փոփոխության մասին

Երևանի ավագանու ՔՊ խմբակցության ղեկավար Արմեն Գալջյանը ֆեյսբուքյան գրառմամբ անդրադարձել է հանրային  տրանսպորտի վճարման համակարգի փոփոխություններին։

Նա մասնավորապես գրել է. «Նոր վճարման համակարգի վերաբերյալ կեղծ աղմուկ ստեղծողներին խորհուրդ կտամ ընդամենը մեկ անգամ նստել ավտոբուս և տեսնել, թե ինչպես են երիտասարդից մինչև տարեց պարտաճանաչ կերպով վճարում քաղաքապետարանի կողմից հայտարարված միջոցներով, վարորդը որևէ առնչություն չի ունենում գումարի հետ:

Մարդիկ շատ արագ ինտեգրվում են այս փոփոխությանը, կարծես թե միշտ էլ այդպես է եղել, ինչը նշանակում է, որ հունվարի 1-ից միասնական տոմսային համակարգի ամբողջական անցումը լինելու է հաջողված»: