Թուրքիայի իշխանությունները կընդունե՞ն օրենք օտարերկրյա գործակալների մասին

Թուրքիայի իշխանությունները նախատեսում են օրենք ընդունել օտարերկրյա գործակալների մասին:

Օրենքը նախատեսում են ընդունել արտաքին ազդեցությանը հակազդելու համար, գրում է Bloomberg-ը՝ վկայակոչելով համապատասխան փաստաթղթի նախագիծը։

Օրինագիծը նպատակ ունի հակազդել այն մարդկանց, ովքեր այլ պետության կամ օտարերկրյա կազմակերպության ազդեցության կամ հրահանգի ներքո աշխատում են Թուրքիայի անվտանգության կամ քաղաքական շահերի դեմ:

Խախտողներին սպառնում է մինչև յոթ տարվա ազատազրկում: Լրատվամիջոցի կարծիքով՝ այս օրենքի ընդունումը կարող է օգտագործվել «այլախոհությունը ճնշելու համար»։

Թուրքական օրինագիծը հիշեցնում է Ռուսաստանում և Վրաստանում ձեռնարկված միջոցառումները։ Ռուսաստանի Դաշնությունում նման օրենք մտցվել է 2012 թվականին եւ դրանից հետո մի քանի անգամ խստացվել է։ Վրաստանում նմանատիպ օրինագիծը ուժի մեջ է մտել 2024 թվականին՝ չնայած բողոքներին և նախագահական վետոյին։