Լավրովը 3 տարվա դադարից հետո կայցելի ԵՄ
ՌԴ ԱԳ նախարար Սերգեյ Լավրովը նախատեսում է 2024 թվականի դեկտեմբերին այցելել Մալթա՝ Եվրոպայում անվտանգության և համագործակցության կազմակերպության արտգործնախարարների խորհրդի հանդիպմանը մասնակցելու համար։ Այդ մասին հայտնել է «Ведомости» թերթը՝ վկայակոչելով ՌԴ ԱԳՆ պաշտոնական ներկայացուցիչ Մարիա Զախարովային։
Սա ՌԴ ԱԳ նախարարի առաջին այցն է ԵՄ՝ ռուս-ուկրաինական պատերազմի մեկնարկից ի վեր։
Վերջին անգամ ՌԴ ԱԳ նախարարը ԵՄ տարածքում եղել է 2021-ին, երբ Ստոկհոլմում մասնակցել է ԵԱՀԿ ԱԳ նախարարների խորհրդի հանդիպմանը։
