Հյուսիսային Կորեան մինչև հաղթական օրը ամուր կկանգնի ռուս ընկերների կողքին. Ցոյ Սոն Հին
Հյուսիսային Կորեայի ԱԳ նախարար Ցոյ Սոն Հին Ռուսաստանի արտգործնախարար Սերգեյ Լավրովի հետ բանակցությունների ժամանակ հայտարարել է, որ Ուկրաինայում հատուկ ռազմական գործողության մեկնարկից անմիջապես հետո նախագահ Կիմ Չեն Ընը հրահանգել է օգնություն ցուցաբերել ռուսական բանակին և ժողովրդին:
ԿԺԴՀ-ն, ինչպես ընդգծել է Հյուսիսային Կորեայի նախարարը, չի կասկածում, որ Ռուսաստանը հաղթանակ կտանի «ինքնիշխան իրավունքների և պետական անվտանգության պաշտպանության սրբազան պատերազմում»:
Ցոյ Սոն Հին հավաստիացրել է, որ Հյուսիսային Կորեան մինչև հաղթական օրը ամուր կկանգնի ռուս ընկերների կողքին։ Նա նաև ասել է, որ Մոսկվան և Փհենյանը ռազմավարական հարաբերությունների նոր մակարդակ են դուրս եկել հարյուրամյա հեռանկարով:
