Այս անկարգությունն արձանագրված է պատմության մեջ․ Էրդողան

Իսլամական աշխարհը բավականաչափ ուժեղ արձագանք չի ցուցաբերել Գազայի հատվածում Իսրայելի գործողությանը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը: 

«Բացառությամբ մի քանի երկրների, ես ցավով եմ հայտնում, որ իսլամական աշխարհի կողմից չկա ուժեղ արձագանք Գազայի հատվածում Իսրայելի գործողություններին: Պետք չէ մոռանալ, որ այս անկարգությունն արձանագրված է պատմության մեջ»,- ասել է Էրդողանը։

Նախագահի խոսքով՝ հրեական պետության իշխանությունները «կուրացել են սիոնիստական մոլորություններից»։ Դրա պատճառով նրանք ճնշել են բոլոր այն կառույցներին, որոնց գործունեությունը կապված է պաղեստինյան անկլավում խաղաղության և մարդու իրավունքների պաշտպանության հետ։

Թուրքիայի առաջնորդը հավելել է, որ այս պահի դրությամբ ոչ ոք զսպող քայլեր չի ձեռնարկել Իսրայելի և նրա վարչապետ Բինյամին Նեթանյահուի նկատմամբ: Այդ կապակցությամբ նա կոչ է արել բոլոր երկրներին, որոնց անտարբեր չէ Պաղեստինի եւ Լիբանանի ճակատագիրը, օգնության ձեռք մեկնել Գազայի հատվածի բնակիչներին: