Քաղաքականություն

Փաշինյանը նշել է՝ ինչն է առաջնային թիրախ և աչքի փուշ

Փաշինյանը նշել է՝ ինչն է առաջնային թիրախ և աչքի փուշ
Յուրաքանչյուր քաղաքացու ապագան փոխկապակցված է ՀՀ համընդհանուր բարեկեցության հետ, որովհետեւ հնարավոր է՝ լավ վաստակել, բայց համընդհանուր թշվառության եւ աղքատության միջավայրում այդ վաստակը վայելելու…

Յուրաքանչյուր քաղաքացու ապագան փոխկապակցված է ՀՀ համընդհանուր բարեկեցության հետ, որովհետեւ հնարավոր է՝ լավ վաստակել, բայց համընդհանուր թշվառության եւ աղքատության միջավայրում այդ վաստակը վայելելու բերկրանք եւ հնարավորություն չունենալ, այլ ընդհակառակը՝ ունենալ մեկուսացվածության ու տագնապի զգացողություն, որ աշխատանքով ձեռք բերածդ կարող է կորսվել ապօրինի ինչ-ինչ ազդեցությունների հետեւանքով: Այս մասին այսօր ԱԺ հանձնաժողովների համատեղ նիստում 2025 թվականի բյուջեի նախագծի քննարկման ժամանակ նշեց ՀՀ վարչապետ Նիկոլ Փաշինյանը:


«Որովհետեւ, եթե կա լայնածավալ թշվառություն եւ աղքատություն, հատվածական բարեկեցությունը առաջնային թիրախ է եւ աչքի փուշ: Այդ դեպքում ատելություն է ձեւավորվում ցանկացած բարեկեցիկ միջավայրի նկատմամբ: Հետեւաբար, երբ ես ասում եմ, որ պետական բյուջեն մեր ընդհանուր մեծ ընտանեկան բյուջեն է, դա համերաշխության մասին է:


Պետական բյուջեն յուրաքանչյուր քաղաքացու նեղ ընտանեկան բյուջեի մի մաս է, որովհետեւ երկրում չկա մի ընտանիք, որի կարիքների բավարարման համար պետական բյուջեից ծախս չի արվում: Օրինակ, բոլոր թոշակառուները թոշակ են ստանում պետական բյուջեից, բոլոր ուսուցիչները, զինվորականները աշխատավարձ են ստանում պետական բյուջեից, բոլոր դպրոցները, ճանապարհները կառուցվում են պետական բյուջեից եւ այլն»,- ասել է Փաշինյանը:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250