Հովիկ Աղազարյանի և Արգիշտի Քյարամյանի մասնակցությամբ միջադեպի փաստով քրեական վարույթ է նախաձեռնվել
ԱԺ-ում ՔՊ-ական պատգմավոր Հովիկ Աղազարյանի և ՔԿ ղեկավար Արգիշտի Քյարամյանի մասնակցությամբ միջադեպի փաստով քրեական վարույթ է նախաձեռնվել, News.am-ին հայտնել են Գլխավոր դատախազությունից:
Կառույցից նշել են, որ Հակակոռուպցիոն կոմիտեում նախաձեռնվել է քրեական վարույթ՝ ՀՀ քրեական օրենսգրքի 486 հոդվածի առաջին մասով՝ Արգիշտի Քյարամյանի արած հայտարարությունների վերաբերյալ։
«Հակակոռուպցիոն կոմիտեում քրեական վարույթ է նախաձեռնվել ՀՀ ՔՕ 486-րդ հոդվածի 1-ին մասով (Արդարադատության իրականացմանը կամ գործի քննությանը միջամտելը) (երկու դրվագ)՝ կապված Քյարամյանի՝ միջնորդությունների վերաբերյալ արված հայտարարությունների հետ»,- ասել են դատախազությունից:
ՔՊ-ական պատգամավոր Հովիկ Աղազարյանի և ՔԿ ղեկավար Արգիշտի Քյարամյանի մասնակցությամբ խորհրդարանում տեղի ունեցած միջադեպի փաստով Հակակոռուպցիոն կոմիտեում նախաձեռնվել է քրեական վարույթ՝ ՀՀ քրեական օրենսգրքի 486-րդ հոդվածի 1-ին մասով՝ վերաբերող Արգիշտի Քյարամյանի հայտարարություններին։
