Ֆինանսների նախարարը՝ Աննա Հակոբյանին սպասարկող թանկարժեք մեքենայի մասին
Քաղաքականություն իրականացնող մարմիններն իրենք են որոշում, թե որն է առաջնահերթությունը: Այս մասին ԱԺ-ում լրագրողների հետ զրույցում ասաց Ֆինանսների նախարար Վահե Հովհաննիսյանը՝ պատասխանելով այն հարցին, թե ո՞րն է պետբյուջեի հաշվին վարչապետի տիկին Աննա Հակոբյանին սպասարկելու համար թանկարժեք մեքենա գնելու արդյունավետությունը:
«Ես չեմ կարող ասել ծախսերի որ մակարդակն է ընդունելի, որը չէ, կամ ում ինչ մեքենա պետք է սպասարկի»,- ասաց Հովհաննիսյանը և նշեց, որ այդ հարցերը պետք է ուղղել Պետական պահպանության ծառայությանը:
