Վրաստանում ավարտվեց խորհրդարանական ընտրությունները. ինչ է հայտնի
Վրաստանում ավարտվեց խորհրդարանական ընտրությունների քվեարկությունը: Ընտրատեղամասերը բացվել են ըստ նախատեսվածի ժամը 08:00-ին և փակվել 20:00-ին:
Օրվա ընթացքում ծեծկռտուքի դեպքեր են գրանցվել հետևյալ ընտրատեղամասերում՝ Թբիլիսիի Գլդանի և Իսանի շրջաններում, Զուգդիդի քաղաքում (Սամեգրելոյի շրջան), Գորի քաղաքում (Շիդա Քարթլիի շրջան) և Կիզիլաջլո գյուղում։
Բացի այդ, Մառնեուլիի շրջանի Սադախլո գյուղում արձանագրվել է քվեաթերթիկների ցուցադրական լցոնման մեկ դեպք։ Ներքին գործերի նախարարությունը քրեական գործ է հարուցել «Ընտրությունների կեղծում» հոդվածով.
Իշխող «Վրացական երազանք» կուսակցության ներկայացուցիչները հայտարարել են, որ ընտրություններում իրենք են հաղթում, և այդ պատճառով ընդդիմությունը սադրանքներ է կազմակերպում, իսկ ընդդիմությունը պատասխանել է, որ իշխող կուսակցությունը հուսահատությունից բռնության է դիմել։
