Սաակաշվիլի կուսակցությունը չի ընդունում ընտրությունների արդյունքները

«Միասնություն-Ազգային շարժում» կուսակցությունը, որը հիմնված է նախկին նախագահ Միխեիլ Սաակաշվիլիի կողմից, չի ճանաչում Վրաստանում անցկացված խորհրդարանական ընտրությունների արդյունքները։ Այդ մասին ճեպազրույցում հայտարարել է կուսակցության ղեկավար Թինաթին Բոկուչավան։

«Միասնություն-Ազգային շարժման» անունից մենք հայտարարում ենք, որ չենք ընդունում ընտրությունների արդյունքները, մենք չենք պատրաստվում ճանաչել այս գողացված ընտրությունների արդյունքները։

Ընդդիմադիր՝ «Հանուն փոփոխությունների կոալիցիայի» առաջնորդ Նիկա Գվարամիան իր ճեպազրույցում ասել է, որ իր կուսակցությունը չի ճանաչում Կենտրոնական ընտրական հանձնաժողովի տվյալները, ըստ որոնց՝ իշխող «Վրացական երազանք-Ժողովրդավարական Վրաստանը» մեծամասնություն է ստանում խորհրդարանում։ «Ընտրությունները գողացվել են, սա սահմանադրական հեղաշրջում է»- հայտարարել է Գվարամիան։