Վատ տղա էր. Թրամփը` Բայդենի որդուն ներում շնորհելու մասին

Հանրապետական ​​կուսակցությունից ԱՄՆ նախագահի թեկնածու Դոնալդ Թրամփը չի բացառել, ոի ներում կշնորհի Հանթեր Բայդենին՝ ամերիկացի ներկայիս առաջնորդ Ջո Բայդենի որդուն, եթե հաղթի նոյեմբերին կայանալիք ընտրություններում։

«Ես դա չէի հանի ցուցակից»,- ասել է հանրապետականը՝ պատասխանելով ռադիոհաղորդավար Հյու Հյուիթի հարցին, թե արդյոք նա ներում կշնորհի Հանթեր Բայդենին, եթե նրան դատապարտեն ազատազրկման:

Թրամփը հավելել է, որ Բայդեն կրտսերը «վատ տղա էր»:

 2023 թվականի դեկտեմբերի սկզբին ամերիկացի առաջնորդի որդուն մեղադրանք է առաջադրվել հարկերից խուսափելու ինը կետով։

Դատախազները կարծում են, որ նա միլիոնավոր դոլարներ է ծախսել «շռայլ ապրելակերպի վրա՝ հարկեր վճարելու փոխարեն»: Նրան կարող է սպառնալ մինչև 17 տարվա ազատազրկում։ 2024 թվականի սեպտեմբերին Բայդեն կրտսերն իրեն մեղավոր է ճանաչել բոլոր ինը մեղադրանքներում։

 Բացի այդ, 2024 թվականի հունիսին երդվյալ ատենակալները մեղավոր են ճանաչել ամերիկացի առաջնորդի որդուն զենքի խախտման բոլոր երեք կետերով։ Այս դեպքում Հանթեր Բայդենին կարող է սպառնալ մինչև 25 տարվա ազատազրկում։