Սա պատերազմ է․ Լուկաշենկո
Ռուսաստանի «բարձր շրջանակներում» կան մարդիկ, որոնք ձգտում են բռնակցել Բելառուսը, բայց դա անելու փորձը կվերածվի պատերազմի։ Այս մասին հայտարարել է Բելառուսի նախագահ Ալեքսանդր Լուկաշենկոն:
«Դուք ավելի փոքր եք, մենք ավելի մեծ ենք, մեզ մոտ տնտեսությունն այսպիսին է, ձեզ մոտ այնպիսինը։ Մենք կօգնենք ձեզ, և դուք կմիանաք Ռուսաստանին։ Այդպես հարցեր ձևակերպել չի կարելի։ Դա անհնար է և անիրականանալի։ Վախենում եմ նույնիսկ ասել, որ սա պատերազմ է»,- ասել Է Լուկաշենկոն «Իզվեստիա»-ին տված հարցազրույցում։
Նրա խոսքով՝ Բելառուսի և Ռուսաստանի միջև առանց այդ էլ ստեղծվում է Միութենական պետություն, ինչը թույլ է տալիս ավելի սերտ հարաբերություններ ձևավորել, քան նույնիսկ ունիտար պետությունում:
«Մենք կարող ենք կառուցել այնպիսի հարաբերություններ, որոնք ավելի սերտ եւ ամուր կլինեն, քան ունիտար պետությունում։ Եվ ոչ ոք ոչ մեկից չի նեղանա», — պարզաբանել Է Լուկաշենկոն։
Նա նաև վստահություն է հայտնել, որ ՌԴ նախագահ Վլադիմիր Պուտինը «երբեք ուրիշի տարածքը գրավելու խնդիր չի ունեցել»:
