ԱՄՆ–ն Ադրբեջանին կոչ է անում ազատ արձակել բոլոր անարդարացիորեն ձերբակալվածներին

ԱՄՆ-ն Ադրբեջանին կոչ է անում պահպանել մարդու իրավունքների պաշտպանության միջազգային պարտավորությունները: Այս մասին տեղեկանում ենք X սոցիալական ցանցում Բաքվում ԱՄՆ դեսպանատան հրապարակած գրառման մեջ:

Հաղորդագրության մեջ նշվում է, որ ամերիկացի դեսպանը հանդիպել է դոկտոր Գուբադ Իբադօղլուի հետ և մտահոգություն հայտնել նրա առողջական վիճակի վերաբերյալ:

«Միացյալ Նահանգները կոչ է անում Ադրբեջանին կատարել մարդու իրավունքների ոլորտում իր միջազգային պարտավորությունները, վերացնել դոկտոր Իբադօղլուի նկատմամբ սահմանված սահմանափակումները և ազատ արձակել բոլոր անարդարացիորեն ձերբակալվածներին»,- ասված է հաղորդագրության մեջ: