ՀՀ պետական եկամուտների կոմիտեն ուսումնասիրություններ է անցկացրել ռիսկային գնահատված 21 ավտոգազալցակայանում, հայտնաբերվել է ապրանքային մնացորդի պակասորդ, և գանձման է առաջադրվել շուրջ 4.8 մլրդ դրամ տուգանք։ Տեղեկությունը հայտնում է ՊԵԿ մամուլի ծառայությունը։

Ավտոգազալցակայաններում ուսումնասիրություններն իրականացվել են ապրիլի–հոկտեմբեր ժամանակահատվածում։

Պարզվել է, որ 3 հարկ վճարողներ, ըստ նախնական հաշվարկների, պետությանը շուրջ 240 մլն դրամ վնաս են պատճառել։

Նյութերը փոխանցվել են հետաքննչական մարմին` քրեաիրավական գնահատական տալու և պետությանը պատճառված վնասը վերականգնելու նպատակով: