Որտեղ էլ նրանք լինեն, մենք անպայման հետապնդելու ենք նրանց․ Էրդողան
Թուրքիայի նախագահ Ռեջեփ Թայիփ Էրդողանը երկրում արգելված FETÖ կազմակերպության առաջնորդ Ֆեթուլլահ Գյուլենի մահից հետո, որի հետ Անկարան կապում է 2016 թվականին պետական հեղաշրջման փորձի կազմակերպումը, հայտարարել է, որ իշխանությունները մտադիր են շարունակել պայքարը մինչև կազմակերպության ամբողջական լուծարումը:
Թուրքիայի ԱԳՆ ղեկավար Հաքան Ֆիդանը պաշտոնապես հաստատել էր Գյուլենի մահը։
«Մենք կշարունակենք պայքարն այնքան ժամանակ, քանի դեռ FETÖ-ն ամբողջությամբ չի ոչնչացվել։ Որտեղ էլ նրանք լինեն, մենք անպայման հետապնդելու ենք նրանց», - ասել է Թուրքիայի նախագահը։
Թուրքիայի իշխանությունները Գյուլենի կազմակերպությանը, որին նրանք անվանում են FETÖ (ֆեթուլլահիստների ահաբեկչական կազմակերպություն), մեղադրում են 2016 թվականի հուլիսին տեղի ունեցած հեղաշրջման փորձին մասնակցության մեջ: Թուրքիայում ապստամբությունից հետո ձերբակալվել է ավելի քան 80 հազար մարդ, աշխատանքից հեռացվել է մոտ 150 հազար պետծառայող, այդ թվում՝ զինվորականներ: Ինքը՝ Գյուլենը, որը գտնվում էր ԱՄՆ-ում, դատապարտել է հեղաշրջման փորձը և մերժել իրեն առաջադրված մեղադրանքները։
FETÖ կազմակերպությունը շատ ազդեցիկ էր երկրի բոլոր ոլորտներում՝ կրթությունից մինչև քաղաքականություն մինչև ուժային բլոկ: Նրա գործունեությունը պաշտոնապես արգելվել էր Թուրքիայում և ահաբեկչական էր համարվել 2016-ին պետական հեղաշրջման փորձից հետո։ Թուրքական իշխանությունները բազմիցս ամենաբարձր մակարդակով մեղադրել են ԱՄՆ-ին կազմակերպությանը ֆինանսավորելու և աջակցելու մեջ։
