Իսրայելից կոչ են անում հարձակվել Իրանի նավթահանքերի վրա

Իսրայելի ընդդիմության առաջնորդ և նախկին վարչապետ Յաիր Լապիդը կարծում է, որ Իրանի դեմ Իսրայելի պատասխան հարձակման թիրախը պետք է լինեն նավթահանքերը, ինչը լրջորեն կհարվածի իրանական տնտեսությանը:

«Մենք պետք է սկսենք նավթահանքերից», - ասել է Լապիդը Jerusalem Post-ին տված հարցազրույցում:

«Ես համաձայն չեմ ամերիկյան վարչակազմի հետ։ Ես չեմ կարծում, որ դա էապես կբարձրացնի նավթի գներն աշխարհում ընտրություններից հինգ րոպե առաջ», - հավելել է նա։

«Եշ Աթիդ» կուսակցության առաջնորդն ընդգծել է, որ իրանական նավթի արտահանումն արդեն «կիսով չափ կրճատվել է», սակայն դա չի հանգեցրել համաշխարհային տնտեսական ճգնաժամի:

Ընդ որում, հարվածն իրանական նավթահանքերին, նրա կարծիքով, զգալի վնաս կհասցնի Իրանի տնտեսությանը:

Դրանից հետո համաշխարհային տնտեսական ճգնաժամից խուսափելու համար Լապիդն առաջարկել է նավթի արդյունահանման ավելացման համար դիմել նավթ արդյունահանող այլ երկրների, ինչպիսնն է Սաուդյան Արաբիան: