Մոսկվայում ադրբեջանցի բլոգերի «Բանդան» տանուլ է տվել դատը

Ադրբեջանական ծագումով ռուսաստանցի բլոգեր Հուսեյն Հասանովի «Բանդան» պարտվել է դատավարությունը։

Մոսկվայի  արբիտրաժային դատարանը որոշում է կայացրել գործարար Յուլիա Մինչենկոյի հայցի վերաբերյալ ընդդեմ «Բանդա» ՍՊԸ-ի, որը նախկինում պատկանում էր Հուսեյն Հասանովին։ Ընկերությունը, դատարանի որոշմամբ, պարտավոր է վճարել 10 մլն ռուբլի գումար՝ որպես վճարովի ծառայությունների պայմանագրով նախատեսված պարտքի մաս։

 Նախկինում Հասանովին էր պատկանում ընկերության 70%-ը, սակայն նա հեռացավ ընկերության հիմնադիրների կազմից, որը պաշտոնապես զբաղվում էր «խորհրդատվական և տեղեկատվական ծառայություններ մատուցելու գործունեությամբ»։ Հենց այս ՍՊԸ-ի միջոցով էր, ըստ երևույթին, Հասանովը վաճառել իր դասընթացները, որոնցում սովորեցնում էր արգանդով շնչել և հարուստների պես մտածել։