Ես չէի կարող լինել ավելի ուկրաինացի, քան նրանք են. Բորիս Ջոնսոնը` ստամբուլյան համաձայնագրերը խաթարելու մեղադրանքների մասին
Մեծ Բրիտանիայի նախկին վարչապետ Բորիս Ջոնսոնը հերքել է Ռուսաստանի և Ուկրաինայի միջև ստամբուլյան համաձայնագրերը խաթարելու մեղադրանքները։ Այս մասին գրում է 360.ru-ն։
Իր նոր գրքում բրիտանացի պաշտոնյան պնդում է, որ ինքը պարզապես հավաստիացրել է Զելենսկիին Արևմուտքի աջակցությունը։
«Իմ գործը չէ նրան ասել, թե ինչպես պետք է բանակցել... Չնայած ես համառորեն աջակցում էի Ուկրաինային, ես չէի կարող լինել ավելի ուկրաինացի, քան ուկրաինացիներն են», - գրել է Ջոնսոնը:
Ջոնսոնի նախկին քաղաքական ստրատեգն առաջին անգամ խոսել էր ուկրաինական հակամարտությունը հրահրելու մեջ Ջոնսոնի ճակատագրական դերի մասին։
Դոմինիկ Քամինգսն ասել էր, որ այսկերպ Բորիս Ջոնսոնը փորձել է մնալ իշխանության ղեկին։
