Իրանի գերագույն առաջնորդը գրառում է արել
Իրանի գերագույն առաջնորդ Այաթոլա Ալի Խամենեին X-ի միկրոբլոգում, Իսրայելի վրա իրանական հարվածների ֆոնին, գրառում է արել՝ մեջբերելով Ղուրանից հատված․ «Աստծո օգնությունն ու հաղթանակը մոտ են»։
Հիշեցնենք` հոկտեմբերի 1-ի երեկոյան Իրանը զանգվածային հրթիռային հարձակում է իրականացրել Իսրայելի վրա։ ԱՄՆ Պետդեպարտամենտի խոսնակ Մեթյու Միլլերը հայտարարել է, որ հարձակումը պետք է հետևանքներ ունենա, սակայն Միացյալ Նահանգները «չի ցանկանում հակամարտության հետագա սրում»։ Իսրայելի պաշտպանության բանակը խոստացել է հզոր հարվածներ հասցնել Մերձավոր Արևելքի թիրախներին։
