Լիբանանում զոհերի թիվը հատել է 1500-ը. ինչ իրավիճակ է այս պահին

Լիբանանի տարբեր շրջաններում իսրայելական ռմբակոծությունների հետևանքով զոհերի թիվը հասել է 1540-ի, 5400  խաղաղ բնակիչ վիրավորվել է, ասվում է Լիբանանի առողջապահության նախարարության շտապ օգնության կենտրոնի հաղորդագրության մեջ։

«Լիբանանի վրա իսրայելական հարվածների մեկնարկից ի վեր 1540 մարդ է զոհվել, ավելի քան 5400-ը՝ վիրավորվել»,- ասվում է հաղորդագրության մեջ։

Վերջին մեկ օրվա ընթացքում իսրայելական հարվածների արդյունքում զոհվել է 60, վիրավորվել՝ ավելի քան 80 մարդ։

«Այսօր 77,1 հազար փախստականներ ագրեսիայի ենթարկված տարածքներից տեղավորվել են 565 ժամանակավոր կացության կենտրոնում»,- նշվում է զեկույցում։

Վերջին երկու օրվա ընթացքում Լիբանանի սահմանը դեպի Սիրիա է հատել 15,6 հազար սիրիացի և ավելի քան 16,1 հազար լիբանանցի։

Լիբանանի վրա հրթիռակոծությունն էլ այսօր ևս շարունակվել է: