Էդգար Սևիկյանը միացավ Մոսկվայի «Լոկոմոտիվին»

Հայաստանի հավաքականի եւ հունգարական «Ֆերենցվարոշի» 23-ամյա հարձակվող Էդգար Սեւիկյանը միացավ Մոսկվայի «Լոկոմոտիվին»։ Կողմերը կնքել են վարձակալության պայմանագիր, որը նախատեսված է մինչեւ այս մրցաշրջանի ավարտը։ Հաջորդ ամռանը ռուսաստանյան ակումբը նաեւ իրավունք կունենա գնել Էդգար Սեւիկյանի տրանսֆերային իրավունքը։

Հայ ֆուտբոլիստն այս տարվա հունվարին էր ռուսական «Պարի Նիժնի Նովգորոդից» տեղափոխվել «Ֆերենցվարոշ», որի հետ մասնակցեց 17 հանդիպման, խփեց 2 գոլ, կատարեց 1 գոլային փոխանցում։

Նրա պայմանագիրը Բուդապեշտի ակումբի հետ նախատեսված է մինչեւ 2028թ․ հունիս։

Transfermarkt-ը Էդգար Սեւիկյանի տրանսֆերային արժեքը գնահատում է 1,8 միլիոն եվրո։