Հայաստանի շախմատի տղամարդկանց հավաքականը 6-րդ փուլում հաղթել է
Հունգարիայի մայրաքաղաք Բուդապեշտում անցկացվող Համաշխարհային շախմատային օլիմպիադայի 6-րդ տուրում Հայաստանի հավաքականը մրցեց Ֆիլիպինների թիմի հետ եւ առավելության հասավ 2,5:1,5 հաշվով։
Հայկ Մ․ Մարտիրոսյանը (2667) սեւ ֆիգուրներով պարտություն կրեց, Շանթ Սարգսյանը (2649) եւ Ռոբերտ Հովհաննիսյանը (2619) սպիտակներով հասան հաղթանակի։ Գաբրիել Սարգսյանը (2646) վաստակեց կես միավոր։
Հայաստանի հավաքականն առաջին 5 տուրերում հաղթել էր Մալթային (4:0), Անդորրային (3:1), Բրազիլիային (3:1), Շվեդիային (2,5:1,5), պարտվել էր Չինաստանին (1,5:2,5):
Ֆիլիպինների հավաքականը հաղթել էր Արուբային (4:0), Մադագասկարին (3,5:0,5), Մոնակոյին (4:0), Սլովենիային (2,5:1,5), պարտվել էր Գերմանիային (1:3):
Օլիմպիադայում կանցկացվի 11 մրցափուլ։ Սեպտեմբերի 17-ին հանգստյան օր է։
