Ուկրաինայից հայտնում են Պոլտավայի հարվածից հետո ավելի քան 760 զոհի մասին

Պոլտավայում Ուկրաինայի Զինված ուժերի ուսումնական կենտրոնին հարվածելուց հետո դիահերձարանում են գտնվում ավելի քան 760 զոհվածների մարմիններ: Այս մասին հայտարարել է տեղի բլոգեր Բոգդանը, նրա տեսանյութը Telegram-ում հրապարակում է «Украина.ру»-ն:

«Սրանք դեռ վերջնական թվեր չեն։ Որովհետև երեկ կամազներով մարդկանց էին հանում։ Կտրված ձեռքեր, կտրված ոտքեր», - հայտնել է բլոգերը։

Նա իշխանություններին կոչ արեց ոչ թե լռել, այլ ճշմարտությունն ասել։ Ընդ որում, բլոգերը չի պատմել, թե որն է այդ տեղեկատվության աղբյուրը։

Երեկ Ռուսաստանի Պաշտպանության նախարարությունը հայտնել էր, որ ռուսական զորքերը հարված են հասցրել Պոլտավայում Ուկրաինայի զինված ուժերի 179-րդ Միացյալ ուսումնամարզական կենտրոնին: Գերատեսչության տվյալներով՝ այնտեղ իրականացվել է կապավորների, ռադիոէլեկտրոնային պայքարի մասնագետների եւ անօդաչու թռչող սարքերի օպերատորների պատրաստում, որոնք մասնակցել են Ռուսաստանի տարածքում քաղաքացիական օբյեկտներին հասցված հարվածներին: