ՌԴ-ն հրթիռներով հարձակում է իրականացրել․ Զելենսկին հայտնում է տասնյակ զոհերի և հարյուրավոր վիրավորների մասին
Ռուսաստանը երկու բալիստիկ հրթիռներով հարվածել է Պոլտավայի ուսումնական հաստատությանն ու հիվանդանոցին։ Այս մասին հայտնել Է Ուկրաինայի նախագահ Վլադիմիր Զելենսկին։ Հարձակման հետևանքով զոհվել է 41 մարդ, ավելի քան 180-ը վիրավորվել են:
Նախագահը նաև ասել է, որ մասամբ ավերվել է Պոլտավայի կապի ռազմական ինստիտուտի շենքերից մեկը: Ուկրաինայի պաշտպանության նախարարությունում հայտարարել են, որ տագնապի և հրթիռների ժամանման միջև ժամանակավոր բացն այնքան կարճ է եղել, որ մարդիկ չեն հասցրել հասնել ռմբակոծության ապաստարան:
Ընդհանուր առմամբ հաջողվել է փրկել 25 մարդու, որոնցից 11-ին փրկել են փլատակներից։
