Պուտինը Ուկրաինային նախազգուշացում է արել

Պուտինը Կուրսկի ԱԷԿ-ին Ուկրաինայի զինված ուժերի հարվածները «շատ վտանգավոր ահաբեկչություններ» է անվանել:

Հակառակորդը Կուրսկի շրջանի վրա հարձակմամբ փորձել է շեղել Ռուսաստանին Դոնբասում հարձակումից, Սակայն նրա մոտ ոչինչ չի ստացվել: Այս մասին Արևելյան տնտեսական ֆորումի լիագումար նիստում հայտարարել է ՌԴ նախագահ Վլադիմիր Պուտինը: Նրա խոսքով՝ Կիևը շատ մեծ կորուստներ է կրում, ինչը նրա համար հասցնելու է ռազմաճակատի ոչնչացման և Ուկրաինայի զինված ուժերի մարտունակության կորստով։

«Հակառակորդի նպատակն էր մեզ նյարդայնացնել, իրարանցել, զորքեր տեղափոխել մի տարածքից մյուսը և դադարեցնել մեր հարձակումը առանցքային ուղղություններով, առաջին հերթին Դոնբասում՝ ազատագրումը, որը մեր առաջնային նպատակն է։ Աշխատե՞լ է, թե՞ ոչ։ Ոչ, թշնամին ձախողվեց»,- ասել է պետության ղեկավարը։

Պուտինի խոսքով՝ Ռուսաստանի Զինված ուժերը «կայունացրել են իրավիճակը և սկսել են աստիճանաբար դուրս մղել հակառակորդին սահմանամերձ տարածքներից»:

Երկրի ղեկավարը նաև նշել է, որ «հակառակորդը շատ մեծ կորուստներ է կրում ՝ և կենդանի ուժի, և տեխնիկայի առումով»:

Նախագահը նաև «շատ վտանգավոր ահաբեկչություններ» է անվանել Ուկրաինայի զինված ուժերի հարվածները Կուրսկի ատոմակայանին և առաջարկել նրանց պատկերացնել հայելային պատասխանի հետևանքները:

«Կարելի է միայն պատկերացնել, թե ինչ կլինի, եթե մենք հայելային պատասխան տանք, ինչ կլինի այս Եվրոպայի ամբողջ մասի հետ», — զգուշացրել է Պուտինը: