Փաշինյանը պետք է պատասխանատու լինի ոչ միայն հայտարարածի, այլև դրա հետևանքների համար. Զախարովա

Պարբերաբար կարդում եմ պաշտոնական Երևանի հայտարարությունները, այդ թվում՝ ՀԱՊԿ-ին վերաբերող հայտարարությունները․ ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Հայտարարում են, թե ՀԱՊԿ-ն է լքել Հայաստանը։ Ամեն հայտարարություն պետք է իմաստ ունենա, իսկ եթե հայտարարությունն անում է երկրի ղեկավարը, պետք է պատասխանատու լինի ոչ միայն հայտարարածի, այլև դրա հետևանքների համար։ Երևանը դե յուրե մնում է ՀԱՊԿ անդամ և պահպանում է և՛ իրավունքները, և՛ պարտականությունները։ Հուսով ենք՝ ՀԱՊԿ շրջանակներում մեր համագործակցությունը կվերսկսվի։ Բառախաղը ոչ մի լավ բանի չի հանգեցնի»,-ասել է Զախարովան։