ՏԵՍԱՆՅՈՒԹ․ Ինչ են պայմանավորվել Պուտինի հետ Մոնղոլիայում՝ նրան ձերբակալելու փոխարեն
Ռուսաստանի նախագահ Վլադիմիր Պուտինը և Մոնղոլիայի նախագահ Ուհնաագիյն Խուրելսուխը նեղ կազմով բանակցություններ են սկսել Ուլան Բատորի կենտրոնում գտնվող պետական պալատում:
Հայտնի է, որ հանդիպումն ավանդաբար անցկացվում է Մոնղոլիայի նախագահի քոչվորական յուրտայում, որը գտնվում է հիմնական պետական կառույցների նստավայրի հինգերորդ հարկում, փոխանցում է ՏԱՍՍ-ը։
Սենյակի ինտերիերը համապատասխանում է հին Մոնղոլական ավանդույթներին, այն զարդարված է փայտե փորագրություններով, ոսկով, արծաթով և կիսաթանկարժեք քարերով։ Յուրտի հատկապես պատվավոր հյուսիսային մասում ճանդանի պատվանդանի վրա գտնվում է Չինգիզ Խանի դիմանկարը։
Ռուսաստանի և Մոնղոլական պատվիրակությունն ընդլայնված կազմով բանակցություններ է վարում Ուլան Բատորի պետական պալատում, միջոցառմանը նախագահում են երկու պետությունների ղեկավարները՝ Վլադիմիր Պուտինը և Ուխնաագիյն Խուրելսուխը:
Ըստ տելեգրամյան ալիքների՝ Մոնղոլիայի իշխանությունները Ռուսաստանի հետ պայմանավորվել են «էժան գազ» և նավթամթերք զեղչով մատակարարելու մասին։
Ի թիվս այլ բաների, կողմերը համաձայնեցրել են Ուլան Բատորում ՋԷԿ-3-ի վերակառուցման նախագծի մշակումը։
