Թուրքիան պատրաստ է քննարկել Սիրիայից զորքերի դուրսբերման կարգը. Լավրով
Թուրքական կողմը պատրաստ է քննարկել Սիրիայից զորքերի դուրսբերման հարցը, սակայն մինչ այժմ չի հաջողվել համաձայնության գալ այս գործընթացի կոնկրետ պարամետրերի շուրջ։ Այս մասին RT հեռուստաալիքի «Կամուրջներ դեպի արևելք» վավերագրական ֆիլմի համար տված հարցազրույցում ասել է ՌԴ ԱԳ նախարար Սերգեյ Լավրովը։
«Թուրքերը պատրաստ են դրան, բայց մինչ օրս կոնկրետ պարամետրերը համաձայնեցված չեն, մենք խոսում ենք փախստականների վերադարձի մասին, այն միջոցների մասին, որոնք անհրաժեշտ են ճնշելու ահաբեկչական վտանգը, որն ավելորդ կդարձնի թուրքական զորքերի ներկայությունը»,- նշել է ՌԴ ԱԳ նախարարը։
Նա բացատրել է, որ, Սիրիայի կառավարության կարծիքով, Ստամբուլի հետ հարաբերությունները կարգավորելու համար անհրաժեշտ է «հստակ որոշում ընդունել Սիրիայի Արաբական Հանրապետությունից թուրքական զորամիավորումների վերջնական դուրսբերման ընթացակարգի վերաբերյալ»։
