Կիրանցում նոր դպրոց կկառուցվի
Կիրանցում նոր դպրոց կկառուցվի: Կառավարության որոշմամբ գյուղի՝ 0,6 հեկտար մակերեսով հողամասն ամրացվել է պետգույքի կառավարման կոմիտեին՝ Կիրանցի վարչական տարածքում դպրոց կառուցելու նպատակով։
Գյուղի գործող դպրոցը մոտ է հայ-ադրբեջանական սահմանին։ Սահմանազատման ու սահմանագծման վերջին աշխատանքներից հետո վարչապետ Նիկոլ Փաշինյանը հայտարարել էր, որ եթե գյուղացիներին անվտանգության երաշխիքները բավարար չթվան, հարկ եղած դեպքում նորը կկառուցեն:
«Կիրանցում դպրոցի հարցն աշակերտների ծնողների հետ կքննարկենք: Այնտեղ անվտանգության լրացուցիչ միջոցառումներ են իրականացվելու։ Եթե դա, այնուամենայնիվ, ծնողներին բավարար չի թվա, ներողություն խնդրելով՝ գյուղի ուրիշ հատվածում նոր դպրոց կկառուցենք, և այդ դպրոցը կամրացնենք, օրինակ, սահմանապահ ծառայությանը»,- ասել էր նա։
