Դեղերի և չգրանցված աշխատողների ստուգումներից առաջ նախապես չեն զգուշացվում. ԱԱՏՄ ղեկավար
Դեղերի և չգրանցված աշխատողների մասով ստուգումները Առողջապահական և աշխատանքի տեսչական մարմինը (ԱԱՏՄ) կատարում է առանց տնտեսվարողին նախապես ծանուցելու։ Այս մասին մամուլի ասուլիսի ժամանակ հայտարարել է ԱԱՏՄ ղեկավար Սլավիկ Սարգսյանը:
Այն, որ տնտեսվարողները նախապես իմանում են ստուգման մասին, այս դեպքերին չի վերաբերում։
«Այո, ստուգումներից առաջ տնտեսվարող սուբյեկտը իմանում է, որ իր մոտ ստուգում է լինելու։ Դա առցանց երևում է, բայց մենք ոչ թե սպասում ենք իրենց համաձայնությանը, այլ մենք հանձնարարագիրը տալիս ենք տնտեսվարող սուբյեկտի ղեկավարին և միայն երեք օր հետո մենք կարող ենք մտնել ստուգման, ըստ օրենքի, բացառությամբ վերոհիշյալ դեպքերի»,– ասել է նա։
