Թուրքիայում սպառնացել են արգելափակել Տելեգրամը. հայտնի է պատճառը

Թուրքիայում սպառնացել են արգելափակել Տելեգրամ մեսենջերը, եթե ծառայությունը շարունակի անտեսել իշխանությունների խնդրանքները։ Նրանք հազարից ավելի հարցումներ են ուղարկել հավելվածում անօրինական բովանդակության վերաբերյալ, գրում է Daily Sabah թերթը։

Իշխանությունները հավելվածից պահանջում են տեղեկություններ հրապարակել թմրամիջոցների ապօրինի շրջանառության, երեխաների սեռական բռնության, մարմնավաճառության և մոլախաղերի հետ կապված ալիքների ադմինիստրատորների և մասնակիցների մասին: Ենթադրվում է, որ կարգավորիչն ավելի քան հազար նամակ է ուղարկել մեսենջերին, սակայն դրանցից ոչ մեկին պատասխան չի ստացել:

Օգոստոսի 2-ին Թուրքիայի իշխանությունները երկրում արգելափակել են Instagram սոցիալական ցանցը։ օգոստոսի 10-ին այն ապաշրջափակվել է։ X սոցիալական ցանցում Թուրքիայի ենթակառուցվածքների նախարար Աբդուլքադիր Ուրալօղլուն ասել է, որ Instaram-ի ներկայացուցիչները կառավարությանը խոստացել են «միասին աշխատել օգտատերերի գրաքննության ուղղությամբ»։