Իրանի նախագահը Խամենեիին կոչ է արել
Իրանի նախագահ Մասուդ Փեզեշքիանը Իրանի հոգևոր առաջնորդ Ալի Խամենեիին կոչ է արել հրաժարվել Իսրայելին ուղղված «վրեժխնդրության հարվածից», քանի որ այն կարող է կործանարար հետևանքներ ունենալ երկրի համար: Այս մասին հայտնել է Iran International -ը։
Հեռուստաալիքի տվյալներով ՝ Իրանի գերագույն առաջնորդի հետ հանդիպման ժամանակ Փեզեշքիանն իբր նախազգուշացրել է, որ ազգային ենթակառուցվածքների և էներգետիկ օբյեկտների վրա հարձակումների տեսքով Իրանի հարվածին անհապաղ արձագանքելու Իսրայելի որոշումը կարող է կաթվածահար անել երկրի տնտեսությունը:
ԻԻՀ նախագահը նաև մտավախություն է հայտնել, որ գեներալներն իրենց ռազմատենչ հռետորաբանությամբ կարող են Իրանին ներքաշել իր համար անցանկալի պատերազմի մեջ:
Հեռուստաալիքը պնդում է, որ Խամենեին լսել է Փեզեշքիանի փաստարկները՝ չարտահայտելով իր տեսակետը։
