ՏԵՍԱՆՅՈՒԹ. Բանգլադեշում ցուցարարները ավերում են վարչապետ Հասինայի հոր հուշարձանը

Բանգլադեշում ցուցարարները փորձում են քանդել երկրի առաջին ղեկավար և պաշտոնաթող վարչապետ Շեյխ Հասինայի հոր՝ Մուջիբուր Ռահմանի հուշարձանը, հայտնում է Daily Observer պորտալը:

«Մայրաքաղաք Դաքքայում քանդում են ազգի հոր քանդակը... Մուջիբուր Ռահմանի... - ասվում է հոդվածում։ Երկուշաբթի օրը նկատվել են մի խումբ մարդիկ, որոնք փորձել են քանդակը ջարդել մուրճերով», - ասվում է հոդվածում։

Նշվում է, որ հուշարձանը բացվել է անցյալ տարվա նոյեմբերին։

Ցուցարարներ հրկիզել են նաև Հասինայի հոր՝ Մուջիբուր Ռահմանի հուշահամալիրը, հայտնում է Dhaka Tribune-ը։

Բողոքի ցույցերը սկսվել են Դաքքայում և ամբողջ երկրում ՝ իշխանությունների հետ բազմօրյա «չհամագործակցության ակցիայի» մասին հայտարարությունից հետո, որը կիրակի օրը սկսել է «խտրականության դեմ ուսանողական շարժում» կազմակերպությունը: Հակակառավարական դիրքերում կանգնած ուսանողների, ոստիկանության և իշխանությունների կողմնակիցների բախումները վերաճել են անկարգությունների:

Բանգլադեշի կառավարությունը Դաքքայում եւ երկրի այլ քաղաքներում պարետային ժամ է սահմանել տեղական ժամանակով ժամը 18:00-ից մինչեւ հատուկ կարգադրություն: Սկսվող շաբաթվա երկուշաբթի, երեքշաբթի և չորեքշաբթի օրերը հայտարարվում են հանգստյան օրեր ամբողջ երկրում: