ՏԵՍԱՆՅՈՒԹ. Բանգլադեշի վարչապետը հրաժարական է տվել և լքել երկիրը
Բանգլադեշի վարչապետ Շեյխ Հասինան հրաժարական է տվել անկարգությունների ֆոնին և լքել երկիրը: Այս մասին News 18 հեռուստաալիքը հայտնել Է X սոցցանցում:
«Հասինան հրաժարական տվեց։ Նա կարող էր լքել երկիրը և մեկնել Ֆինլանդիա», — ասվում է գրառման մեջ։
Մինչ այդ հաղորդվում էր, որ Շեյխ Հասինան և նրա քույրը լքել են Գանաբհաբանի պալատը և գնացել ավելի անվտանգ վայր: Միաժամանակ հազար ցուցարարներ ներխուժել են վարչապետի նստավայր։
Բանգլադեշի մայրաքաղաք Դաքայում եւ ամբողջ երկրում բողոքի ցույցեր են սկսվել իշխանությունների հետ բազմօրյա «չհամագործակցության ակցիայի» մասին հայտարարությունից հետո, որը կիրակի օրը սկսել է «խտրականության դեմ ուսանողական շարժում» կազմակերպությունը: Հակակառավարական դիրքերում կանգնած ուսանողների, ոստիկանության և կառավարության կողմնակիցների բախումները վերաճել են անկարգությունների:
Բանգլադեշի կառավարությունը Դաքքայում եւ երկրի այլ քաղաքներում պարետային ժամ է սահմանել տեղական ժամանակով ժամը 18:00-ից մինչեւ հատուկ կարգադրություն: Սկսվող շաբաթվա երկուշաբթի, երեքշաբթի և չորեքշաբթի օրերը հայտարարվում են հանգստյան օրեր ամբողջ երկրում:
