Իրանում հայտարարել են` էսկալացիա չեն ցանկանում

Թեհրանը Մերձավոր Արևելքում ձգտում է կայունության, էսկալացիա չի ցանկանում, բայց միաժամանակ վճռական է ագրեսորին պատժելու հարցում՝ հետագա անկայունությունից խուսափելու համար։ Այս մասին հայտարարել է է Իրանի ԱԳՆ պաշտոնական ներկայացուցիչ Նասեր Քանանին։

«Ոչ ոք չպետք է կասկածի ագրեսորին պատժելու և սիոնիստական ռեժիմի արկածախնդիր պահվածքի դեմ զսպող գործոն ստեղծելու մեր վճռականությանը»,- ասել է նա։

Քանանին ընդգծել է, որ ՀԱՄԱՍ-ի քաղբյուրոյի ղեկավար Իսմայիլ Հանիայի սպանությունը միջազգային իրավունքի և միջազգային հանրության կողմից հարգված քաղաքական սովորույթների կոպիտ խախտում է:

«Մենք ընդգծում ենք, որ մենք` որպես Իրանի Իսլամական Հանրապետություն, վճռորոշ և անսասան ենք համարում մեր ազգային անվտանգությունը, ինքնիշխանությունը և տարածքային ամբողջականությունը պաշտպանելու մեր իրավունքը»,- ասել է նա։

Իրանցի պաշտոնյայի խոսքով` աշխարհը պետք է դատապարտի այդ հանցագործությունը։ Եվս մեկ անգամ ընդգծել է, որ Իրանն իրավունք ունի պատժել ագրեսորին միջազգային իրավունքի շրջանակում։