Կատաղի փոխհրաձգություն «Հըզբոլլահ»-ի և ՑԱԽԱԼ-ի միջև՝ լիբանանա-իսրայելական սահմանին

Լիբանանի և Իսրայելի միջև սահմանի շրջանում ուրբաթ կատաղի փոխհրաձգություն է տեղի ունեցել «Հըզբոլլահ» խմբավորման և Իսրայելի պաշտպանության բանակի միջև։ Տեղական ռազմական աղբյուրները հայտնել են, որ օգտագործվել են ծանր գնդացիրներ, հրետանի և հրթիռներ, հասցվել են ավիահարվածներ։

Զոհերի մասին տեղեկություններ դեռ չեն ստացվել, նշել են աղբյուրները, որոնք ցանկացել են անհայտ մնալ:

Իսրայելական անօդաչու թռչող սարքերը և ռազմական ինքնաթիռները ինը հարված են հասցրել Լիբանանի հարավում գտնվող յոթ քաղաքների և գյուղերի, ևս երեքը՝ Էրմելի և Ալ Քասր արևելյան շրջանների և լիբանանա-սիրիական սահմանին Մատրաբի անցման ուղղությամբ, հայտնել են աղբյուրները:

«Հեզբոլլահն» ուրբաթ օրը հայտնել է, որ «Կատյուշա» ռեակտիվ կայանքներից գնդակոծել է Իսրայելի դիրքերը Արևմտյան Գալիլեայում, ինչպես նաև գրոհել է Ար Ռահեբի, Ալ Մարջայի, Բայադ Բլիդի և Աս Սամակի դիրքերը: