Վենեսուելայում անկարգությունների ժամանակ ձերբակալվել է 749 մարդ
Վենեսուելայում նախագահական ընտրություններից հետո անկարգությունների ժամանակ ձերբակալվել է 749 մարդ, որոնցից շատերը քրեական պատասխանատվության կենթարկվեն ատելություն, ահաբեկչություն հրահրելու և հանրային ճանապարհները փակելու համար, ասել է գլխավոր դատախազ Տարեկ Ուիլյամ Սաաբը։
«Այս պահին կալանավորվել է 749 նման հանցագործ»,- նրա խոսքերն է մեջբերում NTN24-ը։
Գլխավոր դատախազի խոսքով՝ ձերբակալվածներից շատերը զինված են եղել և դեմքը թաքցնելու համար գլխարկներ են կրել։
Պաշտպանության նախարարության ղեկավար Պադրինո Լոպեսը հայտարարել է ծայրահեղ աջ ընդդիմության կողմից՝ ԱՄՆ-ի և դաշնակիցների աջակցությամբ երկրում հեղաշրջում իրականացնելու փորձի մասին։ Անկարգությունները սկսվել են այն բանից հետո, երբ Վենեսուելայի ընտրական հանձնաժողովը Նիկոլաս Մադուրոյին հայտարարել է երկրի ընտրված նախագահ վեց տարի ժամկետով։
