Թրամփը հայտարարել է, որ Մար-ա-Լագոյում կհանդիպի Նեթանյահուի հետ
ԱՄՆ նախկին նախագահ և նախագահի հանրապետական թեկնածու Դոնալդ Թրամփը երեքշաբթի հայտարարել է, որ այս շաբաթ Ֆլորիդայում հանդիպելու է Իսրայելի վարչապետ Բենիամին Նեթանյահուի հետ։
«Անհամբեր սպասում եմ հինգշաբթի Մար-ա-Լագոյում Նեթանյահուի հետ սպասվող հանդիպմանը», - մեջբերում են ամերիկյան լրատվամիջոցները Թրամփի խոսքերը:
Նա նշել է, որ իր նախագահության ընթացքում «մենք խաղաղություն ու կայունություն ենք ունեցել Մերձավոր Արեւելքի տարածաշրջանում»։ Թրամփը հավելել է, որ «խաղաղությունն ու անվտանգությունը կվերադառնան», եթե նա հաղթի 2024 թվականի նոյեմբերի ընտրություններում։
ԱՄՆ նախկին նախագահը, խոսելով աշխարհում տարբեր հակամարտությունների մասին, ասել է, որ դրանք պետք է դադարեցնել։ «Միլիոնավոր մարդիկ են մահանում, և Քամալա Հարիսը (ԱՄՆ փոխնախագահ, որին Ջո Բայդենը, ով դուրս մնաց ընտրապայքարից, կոչ արեց առաջադրել որպես նախագահի թեկնածու Դեմոկրատական կուսակցությունից) ոչ մի կերպ կարող չէ կանգնեցնել դա»։ Թրամփն ընդգծել է.
Միաժամանակ, ըստ ամերիկյան լրատվամիջոցների, հինգշաբթի Նեթանյահուն կհանդիպի նաև ԱՄՆ նախագահ Ջո Բայդենի հետ։
