Արևային բռնկումներ են սպասվում․ ինչի վրա կարող է ազդել

Ըստ Օվկիանոսների և մթնոլորտի ազգային վարչության (NOAA)՝ մութ պլազմայի ժայթքումները, որոնք հայտնի են որպես սառը արևային բռնկումներ, 60% հավանականություն ունեն Երկրի վրա ռադիո անջատում առաջացնելու այս շաբաթ: Այս մասին հայտնում է Daily Mail-ը։ Լրատվամիջոցների տվյալներով՝ բռնկումը կարող է ազդել ռադիոյի, ավիացիայի և արբանյակային հաղորդակցությունների վրա, եթե այն տեղի ունենա մինչև ուրբաթ օրը:

Ինչպես նշվում է հոդվածում, այսպես կոչված «սառը» արևային բռնկումները, որոնք բնութագրվում են ավելի ցածր ջերմաստիճանով, քան «տաք» բռնկումները, աստղաֆիզիկոսների կողմից լուրջ ուսումնասիրության առարկա են դարձել միայն վերջին տասնամյակում։ Նրանք արտադրում են միկրոալիքային ճառագայթում նույնքան հզոր, որքան տաք բռնկումները և առաջացնում են գիրոսինքրոտրոնային ճառագայթման ավելի բարձր գագաթնակետային հաճախականություն՝ ճառագայթման հատուկ տեսակ, որը պատասխանատու է բռնկման ժամանակ ինտենսիվ և կործանարար ռադիո արտանետման համար:

Մինչ այս՝ հուլիսի 19-ին, Բիրմինգհեմի համալսարանի բրիտանացի գիտնականները մեր աստղից բխող ձայնային ազդանշաններում հայտնաբերել էին արեգակնային ակտիվության հաջորդ 11-ամյա ցիկլի առաջին նշանները։ Այս մասին ասվում էր Թագավորական աստղագիտական ​​ընկերության (RAS) կայքում հրապարակված հրապարակման մեջ։