![Ողբերգական ավտովթար Արարատի մարզում․ վարորդը տեղում մահացել է, կա տուժած](https://auroranews.am/storage/img/base_image/2024-07-13/669227d43741c.webp)
Ողբերգական ավտովթար Արարատի մարզում․ վարորդը տեղում մահացել է, կա տուժած
![Ողբերգական ավտովթար Արարատի մարզում․ վարորդը տեղում մահացել է, կա տուժած](https://auroranews.am/storage/img/base_image/2024-07-13/669227d43741c.webp)
Արարատի մարզում` Գետազատ գյուղի վարչական տարածքում, առավոտյան ավտովթար է տեղի ունեցել, ինչի հետևանքով 1 մարդ մահացել է, 1-ն էլ` տուժել։ Տեղեկությունը հայտնում է shamshyan.com–ը։
Ժամը 08։30-ի սահմաններում Արարատի մարզի բնակիչ 65-ամյա Գարեգին Մ․-ն իր վարած «Infiniti» մակնիշի ավտոմեքենայով Արևշատ-Գետազատ ավտոճանապարհին դուրս է եկել հանդիպակաց երթևեկելի գոտի, բախվել հողաթմբին, անցել առվակի վրայով և կողաշրջված հայտնվել բնակչի հողամասում։
Վարորդը տեղում մահացել է, իսկ ուղևորը տեղափոխվել Է «Արտաշատ» բժշկական կենտրոն։
Վթարի փաստով Արարատի մարզային քննչական վարչությունում նախաձեռնվել է քրեական վարույթ, տուժածի ինքնությունը պարզվում է։
Ըստ նախնական տեղեկությունների` հնարավոր է` վթարի պատճառը վարորդի ինքնազգացողության վատացումն է եղել։