Ինչու՞ են Երևանի կենտրոնում դիմակավորված ուժայինները մարդկանց բերման ենթարկել. մանրամասներ

Հուլիսի 11-ի ուշ երեկոյան իրավապահ մարմինները Երևանի կենտրոնում քաղաքացիների են ձերբակալել, ստուգվել են անցնող ավտոմեքենաները:

«Հայկական ժամանակ»-ի հետ զրույցում ներքին գործերի նախարարությունից հայտնել են, որ ՆԳՆ ոստիկանությունը ուժեղացված ծառայություն է իրականացրել Երևանում: Իրավապահները փնտրել են թմրանյութ, զենք-զինամթերք և այլն:

«Ժամը 20:30-ից մինչև կեսգիշեր մայրաքաղաքի կենտրոնում եղել է ուժեղացված ծառայություն, կան բերման ենթարկվածներ: Հայտնաբերվել է թմրամիջոցներ պահելու 7 դեպք, 5 սառը զենք, 2 գազային ատրճանակ, կեղծ վարորդական իրավունքի վկայական, գտնվել է 1 հետախուզվող»,-մանրամասնեցին ՆԳՆ-ից: