ԼՈՒՍԱՆԿԱՐՆԵՐ. Ավտովթարի է ենթարկվել Հանրային հեռուստաընկերության գործադիր տնօրենի տեղակալը. նա տեղափոխվել է հիվանդանոց

Հուլիսի 10-ին, ավտովթար է տեղի ունեցել Արագածոտնի մարզում։  Շիրակի մարզի բնակիչ 40-ամյա Տիգրան Վիրաբյանը իր վարած Honda մակնիշի 006 LL 01 համարանիշի ավտոմեքենայով Երևան-Գյումրի ավտոճանապարհի 58 կմ հատվածում՝ Բազմաբերդի վարչական տարածքում, դեռևս անհայտ հանգամանքներում, բախվել է բետոնե արգելապատնեշին։ Այս մասին հայտնում է shamshyan.com-ը:

Ինչպես հայտնում է լրատվականը, վթարի հետևանքով ժամեր անց Տ. Վիրաբյանը «ձախ դաստակի սալջարդ վերք» ախտորոշմամբ բուժօգնության է դիմել «Արմենիա» բժշկական կենտրոն։ Ըստ տեղեկությունների՝ վթարի ենթարկված Տ. Վիրաբյանը Հանրային հեռուստաընկերության գործադիր տնօրենի տեղակալն է և հեռուստաընկերության գլխավոր պրոդյուսերը, իսկ մինչ այդ եղել է Երևանի փոխքաղաքապետ։