Ոչ ոք չի խոստացել, որ առաջիկա 10 տարվա ընթացքում Ուկրաինան կդառնա ՆԱՏՕ-ի անդամ

ՆԱՏՕ-ի գլխավոր քարտուղար Ենս Ստոլտենբերգը հայտարարել է, թե ոչ ոք չի խոստացել, որ առաջիկա 10 տարվա ընթացքում Ուկրաինան կդառնա Հյուսիսատլանտյան դաշինքի անդամ։ Այս մասին նա հայտարարել է CBS-ի եթերում՝ պատասխանելով հարցին, թե ինչու Ուկրաինան ՆԱՏՕ-ի անդամ կդառնա 10, այլ ոչ թե 2 կամ 3 տարուց։

«Ոչ ոք չի ասել՝ հենց 10 տարի հետո, բայց ակնհայտ է, որ Ուկրաինային ընդունելու հարցը շատ լուրջ է»,- նշել է ՆԱՏՕ-ի գլխավոր քարտուղարը։

Ստոլտենբերգի խոսքով՝ ամենակարևոր բանը, որ հարկավոր է անել, Ուկրաինային տրամադրվող աջակցության ակտիվացումն է, որպեսզի Կիևը «կարողանա հաղթել»։

«Սա նախապայման է Ուկրաինայի՝ ապագա ցանկացած անդամակցության համար»,- ասել է նա։