Սլովակիայում մարդատար ավտոբուսը բախվել է գնացքին: Հետևանքով յոթ մարդ զոհվել է, առնվազն հինգը վիրավորվել են, հաղորդում է Սլովակիայի շտապ բժշկական օպերատիվ կենտրոնը։

Միջադեպը տեղի է ունեցել երեկ՝ հունիսի 27-ին, Նովե Զամկի քաղաքի մոտ, որը գտնվում է Սլովակիայի հարավ-արևմուտքում։ Գնացքը Պրահայից Բուդապեշտ էր գնում։ Արտակարգ դեպքի պատճառն անհայտ է։ Բոլոր մահացածները ավտոբուսի ուղեւորներ էին։

Դեպքի վայր է ուղարկվել հինգ շտապօգնության մեքենա և երեք փրկարարական ուղղաթիռ, ասվում է օպերատիվ կենտրոնի մամուլի հաղորդագրության մեջ: