Իտալիայում կողոպտիչները ներխուժել են «Ոսկե գնդակի» դափնեկիր Ռոբերտո Բաջոյի տուն
Իտալացի ֆուտբոլիստ Ռոբերտո Բաջոյի տուն է ներխուժել հինգ զինված կողոպտիչներից բաղկացած ավազակախումբ, այն ժամանակ, երբ նա ընտանիքի հետ դիտելիս է եղել ֆուտբոլի Եվրոպայի առաջնության Իսպանիա-Իտալիա հանդիպումը:
Ֆուտբոլիստը փորձել է դիմադրություն ցույց տալ, սակայն հանցագործներից մեկը ատրճանակով հարվածել է Բաջոյի գլխին՝ պատճառելով խորը վերք։ Հետո Բաջոյին և նրա հարազատներին փակել են սենյակում։
Մարզիկը կարողացել է դուրս գալ միայն կողոպտիչների հեռանալուց 40 րոպե անց։ Ֆուտբոլիստին տեղափոխել են հիվանդանոց, որտեղ նրա ճակատին մի քանի կար են արել։
Նրա ընտանիքի անդամները չեն տուժել։ Հանցագործները գողացել են ժամացույցներ, զարդեր և գումար։
