Նիդերլանդները որոշել է նոր կառավարության կազմը

Նիդերլանդների խորհրդարանական ընտրություններում հաղթած ծայրահեղ աջ «Ազատություն» կուսակցության առաջնորդ Գերտ Վիլդերսը երեքշաբթի օրը հայտնել է, որ կոալիցիան պայմանավորվել է նոր կառավարության կազմի շուրջ:

«Մենք պայմանավորվել ենք ամեն ինչի մասին։ Նոր կառավարություն», - գրել է Վիլդերսը X սոցիալական ցանցում:

Մայիսի կեսերին Նիդեռլանդների չորս խոշորագույն կուսակցությունները՝ «Ազատություն» կուսակցությունը (PVV), «Ազատության և ժողովրդավարության ժողովրդական կուսակցությունը» (VVD), «նոր սոցիալական պայմանագիրը» (NSC) և «Ֆերմեր-քաղաքացիական շարժումը» (BBB), շուրջ վեց ամիս տևած բանակցություններից հետո կոալիցիոն համաձայնության եկան՝ նոր կառավարություն ձևավորելու համար:

Մայիսի վերջին հայտնի դարձավ, որ կոալիցիան Նիդեռլանդների նոր վարչապետի պաշտոնում ընտրել է հետախուզության նախկին ղեկավար Դիկ Սխոոֆին և նրան հանձնարարել է նոր կառավարության ձևավորումը: