Մեծ Բրիտանիայի վարչապետը պատասխանել է հրաժարականի մասին հարցին

Մեծ Բրիտանիայի վարչապետ Ռիշի Սունակն ասել է, թե բնավ չի մտածում հրաժարականի մասին՝ նախընտրական արշավում թույլ տված սխալներից հետո:

«Ոչ, իհարկե ոչ»,- այսօր ասել է Սունակը լրագրողների հետ զրույցում՝ պատասխանելով հրաժարականի մասին հարցին:

Հարցումների համաձայն, Մեծ Բրիտանիայի ընդդիմադիր լեյբորիստական կուսակցությունն, ամենայն հավանականությամբ, կհաղթի հուլիսի 4-ին կայանալիք համապետական ընտրություններում:

Ենթադրվում է, որ լեյբորիստների ղեկավար Քիր Սթարմերի կուսակցությունը մոտ 20 կետով առաջ կանցնի այսօր իշխող պահպանողական կուսակցությունից:

Նշենք, որ Բրիտանայի վարչապետի կողմից վրիպակներից մեկը եղել է օրերս 1944 թվականի Ափհանման 80-ամյակին նվիրված միջոցառումից հեռանալու որոշումը, որի համար նա ավելի ուշ բրիտանացիների ներողամտությունն է հայցել: